جديدنا
recent

كراتان بالبطاطس و الكفتة بالمراحل و الصور


السلام عليكم و رحمة الله تعالى و بركاته آنساتي سيداتي

في هذا الموضوع أقدم لكم وصفة شهية عبارة عن كراتان بالبطاطس و الكفتة
لن أطيل عليكم كثيرا في الكلام نبدأ على بركة الله


المقادير :
كيلو بطاطاس

2 بصلات
2 ضروس تومة
نصف كيلو كفتة
200 مل كريم فريش
2 فرماجات أو اي جبن اخر عندك
3 بيضات
كاس صغير حليب
القليل من الزيت
زيت بلدية
موطارد
صلصة الصوجا
بشاميل (2 م ك زبدة-2 م ك دقيق-كاس كبير حليب-شوية الجوزة-ملح-ابزار-جبن)
معلقة ص تحميرة
معلقة ص سكينجبير
نصف معلقة ص ابزار
معلقة ص كامون
شوية الخرقوم
ملح
قرفة
شوية المعدنوس
الهريسة

التحضير :

اول حاجة نأخذ البطاطاس و نقطعها قطع صغيرة و نسلقها مع القليل الملح و الزيت


هنا وجدت كاس حليب مع اي فرماج عندي و الموطارد مع كريم فريش وسر البنة القليل من السمن اقل من راس الملعقة و ملح و ابزار و الجوزة و وضعتهم على نار مهيلة


وأضفت عليهم البطاطاس المسلوقة و نخلط الخليط حتى يصير كالعجين


هنا جبت مقيلة ديالي متكونش كتلصق و درت فيها البصلة و الربيع و التوابل ديالي مع الصوجا و الثومة و الهريسة و خليتهم يتقلاو مع الزيت


هنا البصلة طلقات الماء و بدات كتدبل


جيت و حطيت الكفتة ديالي مع كاس ديال الما و خليتها تشحر حتى طابت
ملي طابت زدت عليها الزيت البلدية و خليتها تطيب حتى نشفات


طفيت البوطة على الكفتة و بديت كنحضر البشاميل
كندوب الزبدة و كنزيد الدقيق كنخلي كلشي يطيب عاد نزيد الحليب و الجبن و الملح الابزار الجوزة ملي يعقاد نطفي البوطة و نخليه يبرد


هنا سلقت البيض و قطعتو الى نصفين


جبت المول ديالي و بديت بالبشاميل


قسمت البطاطا الى نصفين و حطيت طبقة ديال البطاطا


وطبقة ديال الحشوة ديال الكفتة


ومن الفوق البشاميل و البيض


اخيرا زدت طبقة ديال البطاطا و البشاميل من الفوق


دخلتها الفران حتى تحمر


زدت ليها الفرماج محكوك
وهاهي وجدات الحمد لله بالصحة والراحة


Officiel Anissati

Officiel Anissati

مجلة إلكترونية للمرأة المغربية العربية بامتياز هو أفضل موقع نسائي بالمغرب و العالم العربي يهتم بجمال وأناقة الأنثى، ووصفات الحلويات و شهيوات المطبخ المغربي و العربي و العالمي، تطرح كذالك قضايا ونصائح و مواضيع خاصة بالمرأة والمجتمع في مختلف المجالات.

يتم التشغيل بواسطة Blogger.